విశాఖపట్నం, 28 జూలై (హి.స.)

విశాఖపట్నంలోని ప్రసిద్ధ పుణ్యక్షేత్రమైన సింహాచలం శ్రీ వరాహ లక్ష్మీనరసింహస్వామి ఆలయంలో వార్షిక ‘గిరి ప్రదక్షిణ’ వేడుకలు జూలై 28, 29 తేదీలలో అత్యంత వైభవంగా ప్రారంభమయ్యాయి. ఆషాఢ పౌర్ణమి (గురు పౌర్ణమి) సందర్భంగా నిర్వహించే ఈ 32 కిలోమీటర్ల మహా ఆధ్యాత్మిక పాదయాత్ర కోసం దాదాపు 4 నుంచి 5 లక్షల మంది భక్తులు వస్తారని అధికారులు అంచనా వేస్తున్నారు. జూలై 28 మధ్యాహ్నం ఆలయ తొలిపావంచా వద్ద ప్రత్యేక పూజలు నిర్వహించి స్వామివారి పుష్పరథాన్ని ప్రారంభించడంతో ఈ మహా యాత్ర అధికారికంగా మొదలైంది.

భక్తుల సౌకర్యార్థం ప్రదక్షిణ మార్గంలో తాగునీరు, ఉచిత వైద్య శిబిరాలు, అంబులెన్స్‌లు మరియు విశ్రాంతి కేంద్రాలను విస్తృతంగా అందుబాటులో ఉంచారు. రద్దీని నియంత్రించేందుకు ఎన్‌ఎస్‌టిఎల్ నుంచి సింహాచలం వరకు కొత్తగా ‘లక్ష్మీనరసింహ మార్గ్’ను అందుబాటులోకి తెచ్చారు. ప్రదక్షిణ పూర్తి చేసిన భక్తులకు సింహగిరిపై ఉచిత సర్వదర్శనం కల్పిస్తుండగా, కొండపైకి ఉచిత ఆర్టీసీ బస్సులను నడుపుతున్నారు. ఎలాంటి అవాంఛనీయ సంఘటనలు జరగకుండా వేలాది మంది పోలీసులతో భారీ బందోబస్తు ఏర్పాటు చేశారు.

---------------

హిందూస్తాన్ సమచార్ / Santhosha Laxmi