కిష్త్వార్, 06 జూలై (హి.స.)

జమ్మూ-కాశ్మీర్‌లోని కిష్త్వార్ జిల్లాలో అర్ధరాత్రి దాటిన తర్వాత సంభవించిన భీకర మేఘ విస్ఫోటనం (క్లౌడ్‌బర్స్ట్) వల్ల భారీ స్థాయిలో వరద ప్రవాహం, కొండచరియలు విరిగిపడ్డాయి. కొండలపై నుండి భారీగా రాళ్లు, మట్టి ఉధృతంగా దూసుకురావడంతో క్వార్ హైడ్రోఎలక్ట్రిక్ ప్రాజెక్ట్ (Kwar Hydroelectric Project) సైట్‌లోని పలు వాహనాలు ఈ మలబే ప్రవాహంలో కొట్టుకుపోయి తీవ్రంగా దెబ్బతిన్నాయి. ఈ ప్రకృతి విపత్తు కారణంగా జమ్మూ-కిష్త్వార్ జాతీయ రహదారి (Doda-Kishtwar National Highway) పైకి భారీగా బురద, కొండరాళ్లు వచ్చి చేరడంతో రవాణా వ్యవస్థ పూర్తిగా స్తంభించిపోయింది.రోడ్లు కొట్టుకుపోవడం మరియు నిరంతరాయంగా రాళ్లు విరిగిపడుతున్న (shooting stones) ప్రమాదకర పరిస్థితుల దృష్ట్యా, వార్షిక ఆధ్యాత్మిక పర్యటన అయిన శ్రీ మచైల్ మాత యాత్రను (Shri Machail Mata Yatra) జిల్లా పరిపాలనా యంత్రాంగం తాత్కాలికంగా నిలిపివేసింది. భక్తుల భద్రతను దృష్టిలో ఉంచుకుని ఈ నిర్ణయం తీసుకున్నట్లు అధికారులు వెల్లడించారు. ప్రస్తుతం జాతీయ రహదారిని పునరుద్ధరించడానికి, మట్టిని తొలగించడానికి విపత్తు నిర్వహణ బృందాలు (NDRF, SDRF) రంగంలోకి దిగి సహాయక చర్యలను ముమ్మరం చేశాయి. వాతావరణం అనుకూలించి, మార్గం సురక్షితంగా మారిన తర్వాతే యాత్రను తిరిగి అనుమతిస్తామని స్పష్టం చేశారు.

---------------

హిందూస్తాన్ సమచార్ / Santhosha Laxmi