ఆదిలాబాద్, 30 నవంబర్ (హి.స.)

ఆదిలాబాద్ జిల్లా నేరడిగొండ మండలంలోని బోథ్ ఎక్స్ రోడ్ వద్ద ఆదివారం తెల్లవారుజామున ఘోర బస్సు ప్రమాదం చోటుచేసుకుంది. ఆదిలాబాద్ వైపు ప్రయాణికులతో వెళ్తున్న ప్రైవేట్ ట్రావెల్స్ బస్సు, లారీ బోథ్ ఎక్స్ రోడ్ సమీపంలో ఢీకొన్నాయి. ఈ ప్రమాదంలో ఇద్దరు ప్రయాణికులు చనిపోయినట్లు, మరి కొంతమంది ప్రయాణికులకు తీవ్ర గాయాలు అయినట్లు స్థానికులు తెలిపారు. జాతీయ రహదారిపై ఈ ప్రమాదం జరగడంతో కిలోమీటర్ మేర ట్రాఫిక్ జామ్ అయినట్లు సమాచారం. గాయపడ్డ వారిని హుటాహుటిన స్థానికులు, పోలీసులు కలిసి ఆదిలాబాద్ రిమ్స్ ఆసుపత్రికి క్షతగాత్రులను తరలించారు. ఈ ఘటనకు సంబంధించి పూర్తి వివరాలు తెలియాల్సి ఉంది.

---------------

హిందూస్తాన్ సమచార్ / బచ్చు రంజిత్ రావు