సూర్యాపేట, 16 డిసెంబర్ (హి.స.)

కమ్యూనిస్టు రాజకీయాల్లో మరో

కురువృద్ధుడు అస్తమించారు. నాలుగున్నర దశాబ్దాల కాలం పాటు కమ్యూనిస్టు రాజకీయాల్లో ఆరితేరిన సిపిఐ పార్టీ సీనియర్ నాయకులు మూరగుండ్ల లక్ష్మయ్య (79) మంగళవారం ఉదయం హైదరాబాదులోని ఓ ప్రైవేట్ ఆస్పత్రిలో చికిత్స పొందుతూ మృతి చెందారు. ఆయనకు భార్యతో పాటు ముగ్గురు కూతుళ్లు, ఇద్దరు కుమారులు సంతానం. సూర్యాపేట జిల్లా తుంగతుర్తి నియోజకవర్గం ముకుందాపురం గ్రామంలో 1946లో మూరగుండ్ల వెంకటయ్య-పిచ్చమ్మ దంపతులకు జన్మించిన ఆయన దీర్ఘకాలం కమ్యూనిస్టు పార్టీలో ఉంటూ అనేక ప్రజా ఉద్యమాలలో కీలకంగా వ్యవహరించారు. ఆయన మృతిపై పలువురు కమ్యూనిస్టు నాయకులు సంతాపాన్ని వ్యక్తం చేశారు

---------------

హిందూస్తాన్ సమచార్ / విడియాల వెంకటేశ్వర్ రావు