నారాయణపేట, 17 డిసెంబర్ (హి.స.) ఆటోను భారీ వాహనం ఢీకొనడంతో

ఇద్దరు యువకులు మృతి చెందిన ఘటన నారాయణపేట జిల్లా మక్తల్ పోలీస్ స్టేషన్ పరిధిలో జరిగింది. సమాచారం అందుకున్న వెంటనే పోలీసులు సంఘటనా స్థలానికి చేరుకుని విచారణ చేపట్టారు. ఈ ప్రమాదం మంగళవారం మధ్యరాత్రి తర్వాత జరిగి ఉండవచ్చని పోలీసులు అనుమానిస్తున్నారు. భారీ వాహనం ఢీకొనడం వల్లే ఈ దుర్ఘటన చోటుచేసుకుని ఉండవచ్చని వారు తెలిపారు. మృతులు బీహార్ రాష్ట్రానికి చెందిన కూలీలై ఉండవచ్చని ప్రాథమికంగా అనుమానం వ్యక్తం చేశారు. కాగా, ప్రమాదానికి గురైన ఆటో మక్తల్ పట్టణానికి చెందిన వ్యక్తిదిగా గుర్తించి సంబంధిత వివరాలను సేకరిస్తున్నామని తెలిపారు.

---------------

హిందూస్తాన్ సమచార్ / విడియాల వెంకటేశ్వర్ రావు