హైదరాబాద్, 24 డిసెంబర్ (హి.స.)

సినిమా రంగానికి చెందిన ఒక మహిళ

ఇచ్చిన ఫిర్యాదు మేరకు మలయాళ దర్శకుడు, మాజీ ఎమ్మెల్యే పి.టి. కుంజు మహమ్మద్ ను పోలీసులు బుధవారం అరెస్ట్ చేశారు. కేరళ అంతర్జాతీయ చలన చిత్రోత్సవం కోసం మలయాళ చిత్రాలను ఎంపిక చేసే ప్రక్రియలో భాగంగా వారు ఒక హోటల్లో బస చేసిన సమయంలో తనను వేధించాడని సదరు మహిళ ఫిర్యాదు చేసింది. ఈ ఫిర్యాదు ఆధారంగా ఈ నెల ప్రారంభంలోనే కంటోన్మెంట్ పోలీసులు ఆయనపై కేసు నమోదు చేశారు.

ఈ కేసులో కుంజు మహమ్మద్ ఇప్పటికే కోర్టు నుండి ముందస్తు బెయిల్ పొంది ఉన్నారు. కోర్టు ఆదేశాల ప్రకారం మంగళవారం ఆయన విచారణాధికారి ముందు హాజరయ్యారు. దీంతో పోలీసులు ఆయన అరెస్టును అధికారికంగా నమోదు చేసి, వెంటనే బెయిల్పై విడుదల చేశారు.

హిందూస్తాన్ సమచార్ / బచ్చు రంజిత్ రావు