హైదరాబాద్, 23 ఆగస్టు (హి.స.)

మేడ్చల్ జిల్లా కుత్బుల్లాపూర్ సబ్

రిజిస్ట్రార్ అశోక్ కుమార్ సస్పెండ్ అయ్యారు.బాచుపల్లిలోని నిషేధిత జాబితాలో 83 సర్వేనెంబర్ భూమిని నిబంధనలకు విరుద్ధంగా రిజిస్ట్రేషన్ చేశారు. ఈ విషయం రిజిస్ట్రేషన్ శాఖ ఉన్నతాధికారులకు ఫిర్యాదు చేయడంతో విచారించి చర్యలు చేపట్టారు. కుత్బుల్లాపూర్ సబ్ రిజిస్ట్రార్ అశోక్ను సస్పెండ్ చేస్తున్నట్లు రాష్ట్ర స్టాంప్స్ అండ్ రిజిస్ట్రేషన్ శాఖ ఐజి ఉత్తర్వులు జారీ చేశారు. ఈ నిషేధిత భూమి బదిలీలో భారీగా నగదు చేతులు మారినట్లు సమాచారం. కోట్లు విలువ చేసే భూమిని సబ్ రిజిస్ట్రార్ గిఫ్ట్ రిజిస్ట్రేషన్ చేయడం ద్వారా ప్రభుత్వానికి స్టాంపు డ్యూటీ తగ్గించారని 22ఏ లో, నిషేధిత జాబితాలో ఉన్న భూమిని రిజిస్ట్రేషన్ చేయడం పై ఐజి ఆగ్రహం వ్యక్తం చేసినట్లు తెలిసింది.

---------------

హిందూస్తాన్ సమచార్ / బచ్చు రంజిత్ కుమార్