యాదాద్రి భువనగిరి, 27 ఆగస్టు (హి.స.)

వినాయక చవితి పండగ వేళ యాదాద్రి భువనగిరి జిల్లాలోని భూదాన్ పోచంపల్లి పట్టణంలో బుధవారం విషాదం నెలకొంది. స్థానికులు తెలిపిన వివరాల ప్రకారం.. అంబేద్కర్ నగర్కు చెందిన పోతగల సతీష్ (38) పట్టణంలోని ఓ గణేష్ మండపం పైకి ఎక్కి టార్పాలిన్ కవర్ కప్పుతుండగా ప్రమాదవశాత్తు కాలుజారి సీసీ రోడ్డు దిమ్మె పై పడ్డాడు. ఈ నేపథ్యంలో తల పగిలి తీవ్రంగా గాయాల పాలయ్యాడు. వెంటనే స్థానికులు అప్రమత్తమై అంబులెన్స్లోలో భువనగిరిలోని ఏరియా ఆసుపత్రికి తరలించారు. అయితే సతీష్కు చికిత్స చేస్తుండగా మృతి చెందినట్లు వైద్యులు తెలిపారు. పండగ పూట ప్రాణనష్టం జరగడంతో పట్టణంలో విషాదఛాయలు అలుముకున్నాయి.

---------------

హిందూస్తాన్ సమచార్ / విడియాల వెంకటేశ్వర్ రావు