అమరావతి, 28 ఆగస్టు (హి.స.) ఫ్యామిలీ బెనిఫిట్‌ మానిటరింగ్‌ వ్యవస్థపై ఏపీ సీఎం చంద్రబాబ గురువారం సచివాలయంలో సమీక్ష నిర్వహించారు. రాష్ట్రంలో ప్రతి కుటుంబానికీ ఆధార్‌ తరహాలో ‘ఫ్యామిలీ కార్డు’ ఇవ్వాలని సమీక్షలో నిర్ణయించారు. ఈ కార్డులో ప్రభుత్వ పథకాలు సహా అన్ని వివరాలు పొందుపర్చాలని, ఎప్పటికప్పుడు వివరాలను అప్‌డేట్‌ చేయాలని అధికారులను ఆదేశించారు.

‘‘కుటుంబ అవసరాలపై క్షేత్రస్థాయి సమాచారం తీసుకోవాలి. ప్రభుత్వ సంక్షేమం అవసరమైతే వెంటనే అందేలా వ్యవస్థను సిద్ధం చేయాలి. ప్రభుత్వ పథకాల కోసం కుటుంబాలు విడిపోయే పరిస్థితి రాకూడదు. అందరికీ లబ్ధి కలిగేలా పథకాల రీడిజైన్‌ అంశం పరిశీలిద్దాం. త్వరలోనే పాపులేషన్‌ పాలసీ తీసుకురావాలి’’అని సీఎం చంద్రబాబు అన్నారు.

---------------

హిందూస్తాన్ సమచార్ / నిత్తల రాజీవ