ఇంట్లో నిద్రిస్తున్న తల్లి కూతుర్లకు పాము కాటు.. కూతురు మృతి.. విషమంగా తల్లి పరిస్థితి..
తెలంగాణ, ఖమ్మం. 28 ఆగస్టు (హి.స.) ఇంట్లో నిద్రిస్తున్న తల్లీకూతుళ్లు పాముకాటుకు గురి అయిన సంఘటన సత్తుపల్లి మండలం చిన్న పాకల గూడెం గ్రామంలో గురువారం తెల్లవారుజామున చోటుచేసుకుంది. బంధువులు, కుటుంబ సభ్యులు తెలిపిన వివరాల ప్రకారం గౌర గోపి, మౌనిక దంపతు
పాము కాటు


తెలంగాణ, ఖమ్మం. 28 ఆగస్టు (హి.స.)

ఇంట్లో నిద్రిస్తున్న తల్లీకూతుళ్లు

పాముకాటుకు గురి అయిన సంఘటన సత్తుపల్లి మండలం చిన్న పాకల గూడెం గ్రామంలో గురువారం తెల్లవారుజామున చోటుచేసుకుంది. బంధువులు, కుటుంబ సభ్యులు తెలిపిన వివరాల ప్రకారం గౌర గోపి, మౌనిక దంపతులు తమ పిల్లలతో కలిసి ఇంట్లో నేలపైన నిద్రిస్తున్నారు. ఈ క్రమంలోనే గురువారం తెల్లవారుజామున ఇంట్లోకి ప్రవేశించిన కట్ల పాము తల్లి పక్కన నిద్రిస్తున్న చిన్న కుమార్తె లోహిత (5)ను, తల్లి మౌనికను కాటు వేసింది. దీంతో కుటుంబ సభ్యులు వెంటనే వారిద్దరిని 108 లో సత్తుపల్లి ప్రభుత్వాసుపత్రికి తరలించగా చికిత్స పొందుతూ లోహిత (5) మృతి చెందింది. తల్లి మౌనిక పరిస్థితి విషమంగా ఉండటంతో మెరుగైన వైద్య సేవల నిమిత్తం ఖమ్మం ఆసుపత్రికి తరలించారు. పాముకాటుతో చిన్నారి లోహిత మృతి చెందడంతో గ్రామంలో విషాదఛాయలు అలుముకున్నాయి.

---------------

హిందూస్తాన్ సమచార్ / విడియాల వెంకటేశ్వర్ రావు


 rajesh pande