వాగులో చిక్కుకున్న రైతులను రక్షించిన SDRF టీం.. కుటుంబ సభ్యులను హత్తుకొని భావోద్వేగం..
సిద్దిపేట, 28 ఆగస్టు (హి.స.) సిద్దిపేట జిల్లా అక్బర్ పేట భూంపల్లి (మం) పోతారెడ్డిపేట పెద్ద చెరువు వాగులో నిన్న చిక్కుకుపోయిన రైతులను ఎస్డీఆర్ఎఫ్ టీం గురువారం రక్షించింది. పొలం పనుల నిమిత్తం వెళ్లి తిరిగి వస్తుండగా వాగు ఉదృతిలో ముగ్గురు రైతులు చిక్
రైతుల క్షేమం


సిద్దిపేట, 28 ఆగస్టు (హి.స.)

సిద్దిపేట జిల్లా అక్బర్ పేట భూంపల్లి (మం) పోతారెడ్డిపేట పెద్ద చెరువు వాగులో నిన్న చిక్కుకుపోయిన రైతులను ఎస్డీఆర్ఎఫ్ టీం గురువారం రక్షించింది. పొలం పనుల నిమిత్తం వెళ్లి తిరిగి వస్తుండగా వాగు ఉదృతిలో ముగ్గురు రైతులు చిక్కుకుపోయారు. రాత్రంతా రైతులు గోపాల్, సుదర్శన్, రాజు వాగులోనే ఉన్నారు. తమను రక్షించాలని అధికారులను వేడుకున్నారు. కుటుంబ సభ్యుల్లో ఆందోళన పెరిగింది. ముగ్గురు రైతులని రక్షించేందుకు రంగంలోకి SDRF టీం దిగింది. పోతారెడ్డిపేట వాగులో చిక్కుకున్న రైతులను బుధవారం బోటులో వెళ్లి రక్షించింది. రైతులు సురక్షితంగా బయటపడగా అంతా ఊపిరిపీల్చుకున్నారు. క్షేమంగా వచ్చిన రైతులు తమ కుటుంబ సభ్యులను హత్తుకొని భావోద్వేగానికి లోనయ్యారు. తిరిగి వస్తారు అనుకోలేదు అంటూ కుటుంబ సభ్యులు ఏడ్చారు.. ఆ ప్రాంతమంతా ఉద్విగ్న వాతావరణం నెలకొంది. బాధిత కుటుంబాలు పోలీసులు, SDRF సిబ్బందికి కృతజ్ఞతలు తెలిపారు.

---------------

హిందూస్తాన్ సమచార్ / విడియాల వెంకటేశ్వర్ రావు


 rajesh pande