న్యూఢిల్లీ, 11 సెప్టెంబర్ (హి.స.)

ఇండియా, పాకిస్థాన్ మధ్య క్రికెట్ మ్యాచ్ జరగాల్సిందే అని సుప్రీంకోర్టు నేడు స్పష్టం చేసింది. ఆసియాకప్లో భాగంగా ఆదివారం జరగనున్న మ్యాచ్ను రద్దు చేయాలని కొందరు కోర్టులో పిల్ దాఖలు చేశారు. ఆ పిల్పై అత్యవసర విచారణ చేపట్టాలని డిమాండ్ చేశారు. అయితే ఆ లిస్టింగ్ కుదరని కోర్టు ఇవాళ క్లారిటీ ఇచ్చింది. ఇండియా, పాకిస్థాన్ మధ్య జరిగేది క్రికెట్ మ్యాచే అని, అది జరగాల్సిందే అని కోర్టు చెప్పింది.

నలుగురు న్యాయవిద్యార్థులు దాఖలు చేసిన పిటీషన్ను కోర్టు తిరస్కరించింది. ఊర్వశి జైన్ నేతృత్వంలో పిటీషన్ వేశారు. జస్టిస్ జేకే మహేశ్వరి, విజయ్ బిష్ణోయ్ ధర్మాసనం ఆ పిల్ను లిస్టింగ్ కోసం తిరస్కరించింది. ఆదివారం మ్యాచ్ ఉందని, తమ పిల్ను శుక్రవారం లిస్ట్ చేయాలని కోరారు. కానీ ఆ మ్యాచ్ జరగాలని సుప్రీం ధర్మాసనం తెలిపింది. లిస్టింగ్ చేయాలని న్యాయవాది కోరుకున్నా.. కుదరదని కోర్టు పేర్కొన్నది.

హిందూస్తాన్ సమచార్ / సంపత్ రావు, జర్నలిస్ట్..