హైదరాబాద్, 13 సెప్టెంబర్ (హి.స.)

బీఆర్ఎస్ వర్కింగ్ ప్రెసిడెంట్ కేటీఆర్ పై ఓయూ పోలీస్ స్టేషన్ లో కాంగ్రెస్ నేతలు ఫిర్యాదు చేశారు. గ్రూప్-1 పరీక్షపై ప్రభుత్వ ప్రతిష్టకు భంగంగలించే అసత్య ఆరోపణలు చేస్తున్నారని కేటీఆర్ పై టీపీసీసీ జనరల్ సెక్రటరీ దయాకర్ పోలీసులకు ఇవాళ ఫిర్యాదు చేశారు. గ్రూప్ -1 విషయంలో వస్తున్న ఆరోపణలను ఖండించిన దయాకర్.. బీఆర్ఎస్ అధికారిక ఎక్స్ ఖాతా లో రూ. 3 కోట్లు కొట్టు గ్రూప్-1 పోస్టు పట్టు! అని పోస్టు చేశారని ఈ విషయంలో కేటీఆర్ పై చర్యలు తీసుకోవాలని పోలీసులను కోరారు. గ్రూప్-1 విషయంలో బీఆర్ఎస్ చేస్తున్న ఆరోపణలను ఖండించిన దయాకర్. 24 గంటల్లోకేటీఆర్ క్షమాపణలు చెప్పాలని డిమాండ్ చేశారు. లేని పక్షంలో రూ.100 కోట్ల పరువు నష్టం దావా వేస్తామని హెచ్చరించారు.

---------------

హిందూస్తాన్ సమచార్ / బచ్చు రంజిత్ రావు