బొల్లారం రైల్వే స్టేషన్ సమీపంలో ఘోర ప్రమాదం.. రైలు ఢీకొని ఇద్దరు మృతి
హైదరాబాద్, 20 సెప్టెంబర్ (హి.స.)
సికింద్రాబాద్ రైల్వే స్టేషన్ పరిధిలోని బొల్లారం రైల్వే స్టేషన్ సమీపంలో శనివారం మధ్యాహ్నం ఘోర ప్రమాదం చోటు చేసుకుంది. రైలు పట్టాలపై నడుచుకుంటూ వెళ్తున్న ముగ్గురు యువకులను వేగంగా దూసుకొచ్చిన ఓ రైలు ఢీకొట్టింది. ఈ ప్రమ
హైదరాబాద్, 20 సెప్టెంబర్ (హి.స.)
సికింద్రాబాద్ రైల్వే స్టేషన్ పరిధిలోని బొల్లారం రైల్వే స్టేషన్ సమీపంలో శనివారం మధ్యాహ్నం ఘోర ప్రమాదం చోటు చేసుకుంది. రైలు పట్టాలపై నడుచుకుంటూ వెళ్తున్న ముగ్గురు యువకులను వేగంగా దూసుకొచ్చిన ఓ రైలు ఢీకొట్టింది. ఈ ప్రమాదంలో ఇద్దరు అక్కడికక్కడే ప్రాణాలు కోల్పోగా, మరొకరు తీవ్రంగా గాయపడ్డారు.
అప్రమత్తమైన స్థానికులు రైల్వే సిబ్బందికి, పోలీసులకు సమాచారం అందించారు. ఘటనాస్థలానికి చేరుకున్న రైల్వే పోలీసులు మృతదేహాలను స్వాధీనం చేసుకున్నారు. తీవ్ర గాయాలపాలైన మరో యువకుడిని చికిత్స నిమిత్తం ఆస్పత్రికి తరలించారు. ఈ యువకుడి పరిస్థితి విషమంగా ఉన్నట్లు సమాచారం. మృతుల వివరాలు తెలియాల్సి ఉంది. కేసు నమోదు చేసుకున్న పోలీసులు దర్యాప్తు చేపట్టారు.
---------------
హిందూస్తాన్ సమచార్ / సంపత్ రావు, జర్నలిస్ట్..
సంబంధిత వార్తలు
