అమరావతి, 20 సెప్టెంబర్ (హి.స.)

మాచర్ల: ఏపీ సీఎం చంద్రబాబు పల్నాడు జిల్లా మాచర్లకు హెలికాప్టర్‌లో చేరుకున్నారు. హెలిప్యాడ్ వద్ద సీఎంకు మంత్రి గొట్టిపాటి, ఎమ్మెల్యేలు జీవీ ఆంజనేయులు, జూలకంటి బ్రహ్మారెడ్డి, యరపతినేని శ్రీనివాసరావు తదితరులు స్వాగతం పలికారు. యాదవ బజారు రోడ్డులో స్వర్ణాంధ్ర-స్వచ్ఛాంధ్ర కార్యక్రమంలో సీఎం పాల్గొననున్నారు. పారిశుద్ధ్య కార్మికులతో సమావేశం కానున్నారు. స్వచ్ఛరథం వాహనాలను జెండా ఊపి ప్రారంభించనున్నారు. స్వయం సహాయక సంఘాల సభ్యులకు రెండు కోట్ల రూపాయల చెక్కుల పంపిణీ చేయనున్నారు. ప్రజావేదిక బహిరంగ సభలో మాట్లాడనున్నారు. మార్గదర్శి- బంగారు కుటుంబాల సభ్యులతో సమావేశం కానున్నారు.

---------------

హిందూస్తాన్ సమచార్ / నిత్తల రాజీవ