జగిత్యాల, 10 నవంబర్ (హి.స.)

జగిత్యాల అర్బన్ మండలం హస్నాబాద్ దగ్గర ఏఆర్ గార్డెన్ వద్ద కొత్తగా పెట్టిన హకా రైతు సేవా కేంద్రాన్ని ఎమ్మెల్యే సంజయ్ కుమార్ నేడు ప్రారంభించారు. ఈ కేంద్రాల ద్వారా అందే సేవలను రైతులు బాగా వాడుకోవాలని సూచించారు.

రైతులకు మంచి నాణ్యత ఉన్న విత్తనాలు, ఎరువులు తక్కువ రేటుకే అందించడంలో, అలాగే వ్యవసాయానికి కావాల్సిన సరుకులన్నింటినీ ఒకే చోట దొరికేలా చేయడంలో హకా రైతు సేవా కేంద్రాలు ఎంతో ఉపయోగపడతాయని జగిత్యాల ఎమ్మెల్యే డాక్టర్ సంజయ్ కుమార్ అన్నారు. వానాకాలం వరి కోతలు మొదలుకాబోతున్నందున ధాన్యం కొనుగోలు కేంద్రాలను ముందుగానే ఏర్పాటు చేయాలని జిల్లా కలెక్టర్ను కోరినట్లు ఎమ్మెల్యే చెప్పారు. బుధవారం చల్గల్లో జగిత్యాల పీఏసీఎస్ తరఫున ధాన్యం కొనుగోలు కేంద్రాన్ని ప్రారంభించబోతున్నట్లు వెల్లడించారు. మార్క్ఫెడ్ ద్వారా మొక్కజొన్నను కూడా భారీగా కొన్నట్లు పేర్కొన్నారు. తక్కువ రోజుల్లో చేతికొచ్చే పంటలతో పాటు ఆరుతడి పంటలకు ప్రాధాన్యం ఇవ్వాలని, నీరు, కరెంట్ను పొదుపుగా వాడుకుంటూ పరిస్థితులకు తగ్గట్టుగా మరో పంటను ఎంచుకోవాలని పిలుపునిచ్చారు.

మారుతున్న వాతావరణం, ఎల్నినో ప్రభావం దృష్ట్యా రైతులు పంటలు వేసేటప్పుడు ముందు జాగ్రత్తలు తీసుకోవాలని సూచించారు.

---------------

హిందూస్తాన్ సమచార్ / సంపత్ రావు, జర్నలిస్ట్..