న్యూఢిల్లీ, 10 నవంబర్ (హి.స.)

కాంగ్రెస్ అగ్రనేత, లోక్సభ ప్రతిపక్ష నేత రాహుల్ గాంధీని టీపీసీసీ అధ్యక్షుడు మహేశ్కుమార్ గౌడ్ నేడు ఢిల్లీలో కలిశారు. హైదరాబాద్లో జరగబోయే భారత్ సమ్మిట్కు రావాలని ఈ సందర్భంగా ఆయనను ప్రత్యేకంగా ఆహ్వానించారు.

ఈ భేటీ కేవలం సమ్మిట్ ఆహ్వానానికే పరిమితం కాలేదని రాజకీయ వర్గాల్లో చర్చ నడుస్తోంది. తెలంగాణలో కాంగ్రెస్ ప్రభుత్వం పనితీరు, పార్టీని సంస్థాగతంగా బలోపేతం చేయడం, క్షేత్రస్థాయిలో పార్టీ కార్యకలాపాల గురించి ఇద్దరు నేతలు మాట్లాడుకున్నారు . రానున్న రోజుల్లో పార్టీ అనుసరించాల్సిన వ్యూహాలపై కూడా అభిప్రాయాలు పంచుకున్నట్లు సమాచారం.

ఈ సమావేశంలో జాతీయ రాజకీయాలు, ఓబీసీ అంశాలు, తెలంగాణలో తాజా రాజకీయ పరిణామాలపై చర్చ జరిగింది . ఓబీసీల రాజకీయ ప్రాతినిధ్యం, సామాజిక న్యాయం, హక్కుల పరిరక్షణ వంటి అంశాలు కూడా చర్చకు వచ్చాయి

హిందూస్తాన్ సమచార్ / సంపత్ రావు, జర్నలిస్ట్..