
కర్నూలు జిల్లా, 19 నవంబర్ (హి.స.)
కర్నూలు జిల్లాలోని కోడుమూరు మండల పరిషత్ అధ్యక్ష, ఉపాధ్యక్ష ఎన్నికలు ఉత్కంఠభరితంగా సాగాయి. చివరకు ఎంపీపీ పదవిని వైఎస్సార్సీపీ దక్కించుకుంది. వైఎస్సార్సీపీకి చెందిన బురుసు రఘునాథ్ రెడ్డి కోడుమూరు మండల పరిషత్ అధ్యక్షుడిగా ఎన్నికై ప్రమాణ స్వీకారం చేశారు.
అదేవిధంగా మండల ఉపాధ్యక్ష పదవి సీపీఎంకు దక్కింది. సీపీఎం నాయకుడు కనికే నాగిరెడ్డి వైస్ ఎంపీపీగా ఎన్నికై బాధ్యతలు స్వీకరించారు.
ఈ ఎన్నికల ప్రక్రియలో రాజకీయంగా ఆసక్తికర పరిణామాలు చోటుచేసుకున్నాయి. ఎంపీపీ, వైస్ ఎంపీపీ పదవుల కోసం వివిధ పార్టీల మధ్య పోటీ నెలకొనడంతో ఎన్నికలపై ఉత్కంఠ కొనసాగింది.
ఎన్నికల ప్రక్రియ ముగిసిన అనంతరం విజయం సాధించిన అభ్యర్థులు ప్రమాణ స్వీకారం చేయడంతో కోడుమూరు మండల పరిషత్కు కొత్త నాయకత్వం ఖరారైంది. వైఎస్సార్సీపీ ఎంపీపీ పదవిని దక్కించుకోవడంతో ఆ పార్టీ శ్రేణుల్లో ఉత్సాహం నెలకొంది. మరోవైపు వైస్ ఎంపీపీగా సీపీఎం నాయకుడు ఎన్నిక కావడం స్థానిక రాజకీయాల్లో ప్రాధాన్యత సంతరించుకుంది. ఎన్నికైన ఇద్దరు నాయకులు మండల అభివృద్ధికి కృషి చేస్తారని వారి అనుచరులు ఆశాభావం వ్యక్తం చేస్తున్నారు.
---------------
హిందూస్తాన్ సమచార్ / పుట్టా సుమన్