బస్సులో నుంచి కిందపడి మహిళ మృతి.. సిద్దిపేటలో విషాదం
సిద్దిపేటలో విషాదకర ఘటన చోటుచేసుకుంది. ప్రయాణిస్తున్న బస్సులో నుంచి ప్రమాదవశాత్తూ కిందపడిన ఓ మహిళ ప్రాణాలు కోల్పోయారు.
Accident


సిద్దిపేట , 20 నవంబర్ (హి.స.)

సిద్దిపేటలో విషాదకర ఘటన చోటుచేసుకుంది. ప్రయాణిస్తున్న బస్సులో నుంచి ప్రమాదవశాత్తూ కిందపడిన ఓ మహిళ ప్రాణాలు కోల్పోయారు. ఈ ఘటన స్థానికంగా కలకలం రేపింది. మృతురాలిని నాగారం గ్రామానికి చెందిన సారవ్వగా గుర్తించారు.

అందిన సమాచారం ప్రకారం.. బస్సులో ప్రయాణిస్తున్న సమయంలో సారవ్వ ప్రమాదవశాత్తూ కిందపడిపోయారు. ఈ ఘటనలో ఆమెకు తీవ్ర గాయాలయ్యాయి. వెంటనే స్పందించిన స్థానికులు, ఇతరులు ఆమెను రక్షించేందుకు ప్రయత్నించారు. అయితే అప్పటికే ఆమె మృతి చెందినట్లు సమాచారం.

సమాచారం అందుకున్న అధికారులు ఘటనాస్థలికి చేరుకుని వివరాలు సేకరించారు. అనంతరం మృతదేహాన్ని సిద్దిపేట ప్రభుత్వ ఆసుపత్రికి తరలించారు. ఈ ప్రమాదం ఎలా జరిగింది? బస్సు కదులుతున్న సమయంలో ఆమె అదుపుతప్పి పడిపోయారా? అనే విషయాలపై స్పష్టత రావాల్సి ఉంది.

---------------

హిందూస్తాన్ సమచార్ / పుట్టా సుమన్


 rajesh pande