తిరుమలలో భక్తుల రద్దీ.. సర్వదర్శనానికి 4 గంటల సమయం
తిరుమల శ్రీవారి దర్శనానికి వచ్చే భక్తుల రద్దీ ప్రస్తుతం సాధారణంగా కొనసాగుతోంది.
Ttd


తిరుమల , 21 నవంబర్ (హి.స.)

తిరుమల శ్రీవారి దర్శనానికి వచ్చే భక్తుల రద్దీ ప్రస్తుతం సాధారణంగా కొనసాగుతోంది. టోకెన్లు లేని భక్తులకు స్వామివారి సర్వదర్శనం కల్పించేందుకు సుమారు నాలుగు గంటల సమయం పడుతోంది. వైకుంఠం క్యూ కాంప్లెక్స్లోని ఆరు కంపార్టుమెంట్లలో భక్తులు దర్శనం కోసం వేచి ఉన్నారు. భక్తుల రద్దీకి అనుగుణంగా టీటీడీ అధికారులు దర్శన ఏర్పాట్లను పర్యవేక్షిస్తున్నారు.

మరోవైపు నిన్న శ్రీవారిని పెద్ద సంఖ్యలో భక్తులు దర్శించుకున్నారు. మొత్తం 56,695 మంది భక్తులు స్వామివారిని దర్శించుకుని మొక్కులు చెల్లించుకున్నారు. తమ కోరికలు నెరవేరినందుకు కృతజ్ఞతగా 24,786 మంది భక్తులు తలనీలాలు సమర్పించారు. భక్తులు సమర్పించిన కానుకల ద్వారా శ్రీవారి హుండీకి రూ.4.28 కోట్ల ఆదాయం సమకూరింది.

తిరుమలకు వచ్చే భక్తులకు ఎలాంటి అసౌకర్యం కలగకుండా టీటీడీ సిబ్బంది పర్యవేక్షణ కొనసాగిస్తున్నారు. క్యూ లైన్లలో వేచి ఉండే భక్తులకు అవసరమైన సౌకర్యాలు కల్పిస్తున్నారు. ముఖ్యంగా తాగునీరు, అన్నప్రసాదం పంపిణీ వంటి ఏర్పాట్లపై అధికారులు దృష్టి సారించారు. స్వామివారి దర్శనానికి వచ్చే భక్తులు అధికారుల సూచనలు పాటించాలని టీటీడీ విజ్ఞప్తి చేస్తోంది.

---------------

హిందూస్తాన్ సమచార్ / పుట్టా సుమన్


 rajesh pande