పంచాయతీ ఎన్నికల నామినేషన్ల ప్రక్రియ నేటి నుంచి ప్రారంభం
ఆంధ్రప్రదేశ్లో గ్రామ పంచాయతీ ఎన్నికల సందడి మొదలుకానుంది.
Vote


అమరావతి , 21 నవంబర్ (హి.స.)ఆంధ్రప్రదేశ్లో గ్రామ పంచాయతీ ఎన్నికల సందడి మొదలుకానుంది. మూడో విడత ఎన్నికలకు సంబంధించి నేటి నుంచి నామినేషన్ల స్వీకరణ ప్రక్రియ ప్రారంభమైంది. ఈ దశలో రాష్ట్రవ్యాప్తంగా 4,246 గ్రామ పంచాయతీలకు ఎన్నికలు నిర్వహించేందుకు అధికారులు ఏర్పాట్లు చేశారు. సర్పంచ్ పదవులతో పాటు వార్డు సభ్యుల స్థానాలకు కూడా అభ్యర్థులు పోటీ చేయనున్నారు.

ఎన్నికల్లో పోటీ చేయాలనుకునే అభ్యర్థులు నిర్ణీత గడువులోగా తమ నామినేషన్లను సంబంధిత అధికారులకు సమర్పించాల్సి ఉంటుంది. నామినేషన్ల స్వీకరణ సందర్భంగా ఎలాంటి అవాంఛనీయ ఘటనలు చోటుచేసుకోకుండా ఎన్నికల అధికారులు అవసరమైన చర్యలు చేపడుతున్నారు. ఎన్నికల నిర్వహణకు సంబంధించి గ్రామీణ ప్రాంతాల్లో ఏర్పాట్లను పర్యవేక్షిస్తున్నారు.

డిసెంబర్ 2న మూడో విడత పోలింగ్ నిర్వహించనున్నారు. అదే రోజు ఓటింగ్ ప్రక్రియ ముగిసిన అనంతరం ఓట్ల లెక్కింపు చేపట్టి ఫలితాలను వెల్లడించనున్నారు. దీంతో గ్రామాల్లో రాజకీయ వాతావరణం వేడెక్కుతోంది. సర్పంచ్ పదవులను దక్కించుకునేందుకు ఆశావహులు ఇప్పటి నుంచే ప్రయత్నాలు ముమ్మరం చేస్తున్నారు. ప్రధాన రాజకీయ పార్టీల మద్దతుతో పాటు స్థానికంగా బలమున్న అభ్యర్థులు బరిలోకి దిగేందుకు సిద్ధమవుతున్నారు. గ్రామాల్లో ఎన్నికల ప్రచారం కూడా క్రమంగా ఊపందుకోనుంది.

---------------

హిందూస్తాన్ సమచార్ / పుట్టా సుమన్


 rajesh pande