హైదరాబాద్ , 08 నవంబర్ (హి.స.)

తెలంగాణ ముఖ్యమంత్రి రేవంత్ రెడ్డి జన్మదిన వేడుకలు కొడంగల్లో ఉత్సాహభరిత వాతావరణంలో జరిగాయి. యువజన కాంగ్రెస్ నాయకులు, కార్యకర్తల ఆధ్వర్యంలో అంబేడ్కర్ చౌరస్తా వద్ద ప్రత్యేక కార్యక్రమాన్ని నిర్వహించారు. ఈ సందర్భంగా ముఖ్యమంత్రి రేవంత్ రెడ్డి స్వయంగా కేక్ కట్ చేసి జన్మదిన వేడుకల్లో పాల్గొన్నారు. ఆయనకు యువజన కాంగ్రెస్ నాయకులు, పార్టీ కార్యకర్తలు జన్మదిన శుభాకాంక్షలు తెలియజేశారు. సీఎం రాకతో అంబేడ్కర్ చౌరస్తా వద్ద సందడి నెలకొంది. అభిమానులు, పార్టీ శ్రేణులు ఉత్సాహంగా వేడుకల్లో భాగస్వాములయ్యారు. కేక్ కటింగ్ అనంతరం ముఖ్యమంత్రి అక్కడి నుంచి హకీంపేటకు బయలుదేరి వెళ్లారు. ముందుగా నిర్ణయించిన పర్యటన కార్యక్రమాల్లో భాగంగా ఆయన హకీంపేటలో పలు కార్యక్రమాల్లో పాల్గొననున్నారు. ముఖ్యమంత్రి జన్మదినాన్ని పురస్కరించుకుని కొడంగల్లో పార్టీ శ్రేణులు ప్రత్యేక ఉత్సాహాన్ని ప్రదర్శించాయి. సీఎం స్వయంగా వేడుకల్లో పాల్గొని కేక్ కట్ చేయడంతో కార్యకర్తల్లో ఆనందం వ్యక్తమైంది.

---------------

హిందూస్తాన్ సమచార్ / పుట్టా సుమన్