తిరుమల, 11 ఏప్రిల్ (హి.స.) తిరుమల కొండపై కొలువై ఉన్న కలియుగ దైవం అయిన వేంకటేశ్వర స్వామి వారి కోసం భక్తుల రద్దీ సాధారణంగా కొనసాగుతోంది. ప్రస్తుతం వైకుంఠం క్యూ కాంప్లెక్స్లోని 8 కంపార్ట్మెంట్లలో భక్తులు స్వామివారి దర్శనం కోసం వేచి ఉన్నారు. దర్శన టిక్కెట్లు లేని భక్తులకు శ్రీవారి సర్వదర్శనం (SSD) కోసం సుమారు 6 గంటల సమయం పడుతోంది. వేసవి కాలం ప్రారంభం కావడంతో భక్తుల సౌకర్యార్థం టీటీడీ (TTD) క్యూ లైన్లలో మంచినీరు, అన్నప్రసాదాల పంపిణీని నిరంతరం పర్యవేక్షిస్తోంది.

ఇదిలా ఉంటే నిన్న ఒక్కరోజే 65,534 మంది భక్తులు శ్రీవారిని దర్శించుకున్నారు. మొక్కులు చెల్లించుకోవడం లో భాగంగా 24,560 మంది భక్తులు స్వామివారికి తలనీలాలు సమర్పించారు. అలాగే భక్తులు సమర్పించిన కానుకల ద్వారా నిన్న శ్రీవారి హుండీ ఆదాయం రూ.3.22 కోట్లుగా నమోదైంది. వారాంతం (వీకెండ్) కావడంతో శని, ఆదివారాల్లో భక్తుల సంఖ్య మరింత పెరిగే అవకాశం ఉందని అధికారులు అంచనా వేస్తున్నారు. తిరుమలకు వచ్చే భక్తులు వాతావరణ పరిస్థితులను దృష్టిలో ఉంచుకుని తగిన జాగ్రత్తలు తీసుకోవాలని టీటీడీ సూచించింది.

---------------

హిందూస్తాన్ సమచార్ / SANDHYA PRASADA PV