న్యూఢిల్లీ, 14 జూలై (హి.స.)

: దేశ రాజధాని ఢిల్లీలోని పాండవ్ నగర్ పోలీస్ స్టేషన్ పరిధిలో జరిగిన భారీ విదేశీ కరెన్సీ దోపిడీ కేసును పోలీసులు విజయవంతంగా ఛేదించారు. ఈ కేసుకు సంబంధించి ఇద్దరు నిందితులను అరెస్ట్ చేయడంతో పాటు, నేరానికి ఉపయోగించిన కారును కూడా స్వాధీనం చేసుకున్నట్లు అధికారులు మంగళవారం ప్రకటించారు. నిందితుల నుంచి సుమారు రూ. 9.79 లక్షల విలువైన దోపిడీ సొత్తులో భాగమైన 1,100 యూరోల విదేశీ కరెన్సీని పోలీసులు స్వాధీనం చేసుకున్నారు. ఢిల్లీ పోలీసుల వివరాల ప్రకారం.. నిందితులు ఒక నకిలీ గుర్తింపును సృష్టించి, బాధితుడిని నమ్మించి ఒక ఫేక్ డెలివరీ లొకేషన్‌కు రప్పించారు. బాధితుడు అక్కడికి చేరుకోగానే పక్కా ప్రణాళికతో ఈ దోపిడీకి పాల్పడ్డారు. ఈ కేసులో ప్రమేయం ఉన్న మిగిలిన నిందితులను పట్టుకోవడానికి, మిగిలిన విదేశీ కరెన్సీని రికవరీ చేయడానికి ప్రస్తుతం గాలింపు చర్యలు ముమ్మరం చేసినట్లు అధికారులు వెల్లడించారు. ఈ ఘటనపై పోలీసులు తదుపరి దర్యాప్తును కొనసాగిస్తున్నారు

---------------

హిందూస్తాన్ సమచార్ / Santhosha Laxmi