హైదరాబాద్, 29 జూలై (హి.స.)

హైదరాబాద్లోని జూబ్లీహిల్స్ పోలీస్ స్టేషన్లో బాధ్యతాయుతమైన పదవిలో ఉండి, స్టేషన్కు వచ్చిన ఒక మహిళతో అనుచితంగా ప్రవర్తించిన సర్కిల్ ఇన్స్పెక్టర్ (CI) పై ఉన్నతాధికారులు కఠిన చర్యలు తీసుకున్నారు. బాధితురాలి ఫిర్యాదు మరియు ప్రాథమిక విచారణ ఆధారంగా, సదరు సీఐ ప్రవర్తన పోలీసు శాఖ ప్రతిష్టకు భంగం కలిగించేలా ఉందని నిర్ధారించారు. ఈ నేపథ్యంలో శాంతిభద్రతల పరిరక్షణలో మరియు మహిళల భద్రత విషయంలో ఎలాంటి అలసత్వాన్ని సహించేది లేదని స్పష్టం చేస్తూ, హైదరాబాద్ పోలీస్ కమిషనర్ ఆ సీఐని తక్షణమే సస్పెండ్ చేస్తూ ఉత్తర్వులు జారీ చేశారు. ఈ ఘటనపై సమగ్ర విచారణకు ఆదేశించినట్లు అధికారులు వెల్లడించారు.

---------------

హిందూస్తాన్ సమచార్ / Santhosha Laxmi