హైదరాబాద్, 17 ఆగస్టు (హి.స.)

నగరంలోని ప్రముఖ వ్యాపార కేంద్రమైన బేగం బజార్ పరిధిలో ఈరోజు ఉదయం హైదరాబాద్ పోలీస్ టాస్క్‌ఫోర్స్ బృందాలు ఆకస్మిక తనిఖీలు నిర్వహించాయి. ఒక రహస్య స్థావరంపై దాడి చేసిన పోలీసులు, అక్కడ నిబంధనలకు విరుద్ధంగా భారీ ఎత్తున జూదం (Gambling) ఆడుతున్న పది మంది వ్యక్తులను రెడ్ హ్యాండెడ్‌గా పట్టుకున్నారు. వారి వద్ద నుండి పెద్ద మొత్తంలో నగదు, మొబైల్ ఫోన్లు మరియు జూదానికి సంబంధించిన ఇతర సామగ్రిని స్వాధీనం చేసుకున్నారు. పట్టుబడిన నిందితులను తదుపరి చట్టపరమైన చర్యల నిమిత్తం స్థానిక పోలీసు స్టేషన్‌కు అప్పగించి కేసు నమోదు చేసినట్లు టాస్క్‌ఫోర్స్ అధికారులు తెలిపారు.

---------------

హిందూస్తాన్ సమచార్ / Santhosha Laxmi