తిరుపతి: 26 ఆగస్టు (హి.స.)

తిరుమల శ్రీ వేంకటేశ్వర స్వామివారి వార్షిక బ్రహ్మోత్సవాల సన్నాహకాలపై తిరుపతిలో తిరుమల తిరుపతి దేవస్థానం (టీటీడీ) పాలకమండలి మరియు జిల్లా యంత్రాంగం సంయుక్తంగా సమీక్ష నిర్వహించాయి. ఉత్సవాల సందర్భంగా దేశ విదేశాల నుండి వచ్చే లక్షలాది మంది భక్తులకు ఎలాంటి అసౌకర్యం కలగకుండా విస్తృత ఏర్పాట్లు చేస్తున్నారు. గరుడ సేవ రోజున రద్దీని తట్టుకునేందుకు ప్రత్యేక క్యూలైన్లు, నిరంతర అన్నప్రసాద వితరణ మరియు ఉచిత తాగునీటి వసతి కల్పించనున్నారు. లడ్డూ ప్రసాదాల కొరత రాకుండా అదనపు నిల్వలను సిద్ధం చేయాలని, వాహన రాకపోకలకు ఇబ్బంది లేకుండా తిరుపతి అలిపిరి వద్ద ప్రత్యేక పార్కింగ్ స్థలాలను కేటాయించాలని అధికారులకు సూచించారు.

---------------

హిందూస్తాన్ సమచార్ / Santhosha Laxmi