హైదరాబాద్, 28 ఆగస్టు (హి.స.)

ఆంధ్రప్రదేశ్ ఈఏపీసెట్ (AP EAPcet 2026) బైపీసీ (BiPC) స్ట్రీమ్ కౌన్సెలింగ్‌కు హాజరైన వేలాది మంది విద్యార్థులకు కీలక అప్‌డేట్ అందింది. సాంకేతిక లోపాలు మరియు డేటా వెరిఫికేషన్ ప్రక్రియ ఆలస్యం కావడం వల్ల నిన్న విడుదల కావాల్సిన రౌండ్ 1 సీట్ల కేటాయింపు ఫలితాలు వాయిదా పడ్డాయి. సవరించిన షెడ్యూల్ ప్రకారం, ఈరోజు (ఆగస్టు 28) సాయంత్రం 6 గంటల తర్వాత ఉన్నత విద్యామండలి ఈ ఫలితాలను అధికారిక వెబ్‌సైట్ (eapcet-sche.aptonline.in) లో అందుబాటులో ఉంచనుంది.

ఫార్మసీ (B.Pharmacy), బయోటెక్నాలజీ, మరియు ఫార్మా-డి వంటి కోర్సుల్లో ప్రవేశాల కోసం ఈ కౌన్సెలింగ్ ప్రక్రియ జరుగుతోంది. సీట్లు పొందిన విద్యార్థులు తమ అలాట్‌మెంట్ ఆర్డర్‌ను డౌన్‌లోడ్ చేసుకుని, సెప్టెంబర్ మొదటి వారంలోగా కేటాయించిన కళాశాలల్లో ఒరిజినల్ సర్టిఫికెట్లతో రిపోర్ట్ చేయాల్సి ఉంటుంది. ఎవరైనా విద్యార్థులు నిర్ణీత సమయంలోగా కాలేజీలో జాయిన్ అవ్వకపోతే వారి సీటు ఆటోమేటిక్‌గా రద్దవుతుందని, ఆ ఖాళీలను రౌండ్ 2 (వెబ్ ఆప్షన్స్) లో భర్తీ చేస్తామని అధికారులు స్పష్టం చేశారు. విద్యార్థులు తాజా అప్‌డేట్ల కోసం వెబ్‌సైట్‌ను నిరంతరం గమనించాలని సూచించారు.

---------------

హిందూస్తాన్ సమచార్ / Santhosha Laxmi