హైదరాబాద్, 28 ఆగస్టు (హి.స.)
రాష్ట్రంలో పారిశ్రామికీకరణ వేగవంతం కావడం మరియు గృహ అవసరాలకు డిమాండ్ పెరగడంతో ఆంధ్రప్రదేశ్ ఇంధన శాఖ (AP Energy Department) భవిష్యత్తు విద్యుత్ అవసరాలపై దృష్టి సారించింది. విద్యుత్ కొరతను అధిగమించడానికి మరియు వినియోగదారులకు 24 గంటల పాటు నాణ్యమైన కరెంట్ సరఫరా చేయడానికి తలా 800 మెగావాట్ల (MW) సామర్థ్యం గల రెండు కొత్త థర్మల్ పవర్ ప్లాంట్లను ఏర్పాటు చేయడానికి సన్నాహాలు చేస్తోంది. ఈ రెండు ప్లాంట్లను అత్యాధునిక 'సూపర్ క్రిటికల్' సాంకేతికతతో నిర్మించనున్నారు.
ఈ కొత్త ప్రాజెక్టుల ద్వారా పర్యావరణ కాలుష్యం చాలా తక్కువగా ఉంటుందని, బొగ్గు వినియోగం కూడా సమర్థవంతంగా జరుగుతుందని ఏపీ జెన్కో (APGENCO) అధికారులు వెల్లడించారు. ఇప్పటికే ఉన్న కృష్ణపట్నం (శ్రీ దామోదరం సంజీవయ్య థర్మల్ పవర్ స్టేషన్) లేదా విజయవాడ వీటీపీఎస్ (VTPS) పరిసరాల్లో ఉన్న ఖాళీ స్థలాలలో వీటిని నిర్మించేందుకు ల్యాండ్ సర్వే నిర్వహిస్తున్నారు. ఈ ప్రాజెక్టుల నిర్మాణానికి అవసరమైన నిధుల కోసం పవర్ ఫైనాన్స్ కార్పొరేషన్ (PFC) మరియు అంతర్జాతీయ బ్యాంకుల నుండి తక్కువ వడ్డీకి రుణాలు సేకరించనున్నారు. రాబోయే మూడేళ్లలో ఈ ప్లాంట్లను పూర్తి చేసి గ్రిడ్కు అనుసంధానించాలని లక్ష్యంగా పెట్టుకున్నారు.
---------------
హిందూస్తాన్ సమచార్ / Santhosha Laxmi
