విద్యుత్ కోతలపై మెదక్ జిల్లా రైతుల ఆందోళన
విద్యుత్తు సరఫరాలో సమస్యలు మరియు అప్రకటిత విద్యుత్ కోతలను నిరసిస్తూ మెదక్ జిల్లా రైతులు పాపన్నపేట మండల AE కార్యాలయం ముందు రహదారిపై రాస్తారోకో నిర్వహించారు.
మెదక్, 17 సెప్టెంబర్ (హి.స.) విద్యుత్తు సరఫరాలో సమస్యలు మరియు అప్రకటిత విద్యుత్ కోతలను నిరసిస్తూ మెదక్ జిల్లా రైతులు పాపన్నపేట మండల AE కార్యాలయం ముందు రహదారిపై రాస్తారోకో నిర్వహించారు.
ఈ సందర్భంగా వారు మాట్లాడుతూ.. విద్యుత్ కోతల వల్ల పంటలకు నీరు అందక ఎండిపోయే పరిస్థితి వస్తుందన్నారు. కరెంట్ ఎప్పుడు వస్తుందో తెలియని పరిస్థితిలో ఉన్నట్టు రైతులు వాపోయారు.
నిరంతరంగా విద్యుత్ సరఫరా చేస్తే తప్ప పంటలను కాపాడుకునే పరిస్థితి లేదన్నారు. ఈ సందర్భంగా ప్రభుత్వానికి వ్యతిరేకంగా నినాదాలు చేశారు. విద్యుత్ సరఫరా పై వాస్తవ పరిస్థితిని AE వచ్చి వివరించాలని వారు డిమాండ్ చేశారు. ఈ సందర్భంగా మెదక్ -బొడ్మట్ పల్లి రహదారిపై భారీగా వాహనాలు నిలిచిపోయాయి. ట్రాఫిక్ అంతరాయం కలిగింది.
---------------
హిందూస్తాన్ సమచార్ / సంపత్ రావు, జర్నలిస్ట్..
సంబంధిత వార్తలు
