హైదరాబాద్ , 20 సెప్టెంబర్ (హి.స.)గోపన్పల్లిలోని ఎన్టీఆర్ నగర్ ప్రాంతంలో ప్రమాదకరంగా ఒకవైపు వంగిపోయిన నాలుగు అంతస్తుల అపార్ట్మెంట్ను అధికారులు కూల్చివేశారు.

ఈ మేరకు అధికారులు కేసు నమోదు చేసి దర్యాప్తు ప్రారంభించారు. నిర్మాణ సమయంలో నిబంధనలు పాటించారా? భవనానికి అనుమతులు ఎలా లభించాయి? నిర్మాణ నాణ్యతను అధికారులు ఎలా పరిశీలించారు? వంటి ప్రశ్నలు దర్యాప్తులో కీలకంగా మారనున్నాయి. హైదరాబాద్ వేగంగా విస్తరిస్తున్న నేపథ్యంలో చిన్న స్థలాల్లో బహుళ అంతస్తుల నిర్మాణాలు పెరుగుతున్నాయి. గోపన్పల్లిలోని మరో ప్రాంతంలో 50 చదరపు గజాల స్థలాల్లో G+7 నిర్మాణాలు ఏర్పడుతున్న అంశంపై కూడా భద్రతా ఆందోళనలు వ్యక్తమయ్యాయి. గతంలో మంజూరైన నిర్మాణ అనుమతులు, ప్రస్తుత నిబంధనలు, పర్యవేక్షణలో ఉన్న లోపాలపై అధికారులు దృష్టి సారించాల్సిన అవసరం ఏర్పడింది. ఈ ఘటన కేవలం ఒక భవనానికి సంబంధించిన సమస్యగా కాకుండా నగరంలో నిర్మాణ ప్రమాణాలు, భవన భద్రత, అనుమతుల పరిశీలన, నిర్మాణానంతర పర్యవేక్షణ వంటి అంశాలపై చర్చకు దారితీస్తోంది.

---------------

హిందూస్తాన్ సమచార్ / పుట్టా సుమన్