హైదరాబాద్, 19 అక్టోబర్ (హి.స.)

ట్రాఫిక్ నియమాల ఉల్లంఘనలను అరికట్టడానికి హైదరాబాదు నగర ట్రాఫిక్ పోలీస్ విభాగం కట్టుదిట్టమైన చర్యలు

చేపడుతోంది. ఈ నేపథ్యంలో, తేదీ 18-08-2025 న అబిడ్స్, చిక్కడపల్లి, సైఫాబాద్ మరియు గాంధీనగర్ ట్రాఫిక్ పోలీస్ స్టేషన్ల పరిధిలో పట్టుబడిన డ్రంక్ అండ్ డ్రైవ్ కేసుల విచారణ గౌరవనీయ మెట్రోపాలిటన్ మేజిస్ట్రేట్ కోర్టు, నాంపల్లి, హైదరాబాద్‌లో జరిగింది.

ఈ విచారణలో మొత్తం (212) మంది నిందితులు హాజరయ్యారు. వీరిలో —

(187) మందికి ఒక్కొక్కరికి రూ. 3,100/- చొప్పున జరిమానా విధించబడింది.

(25) మందికి కోర్టు జైలుశిక్షతో పాటు రూ. 99,900/- మొత్తంలో జరిమానా విధించింది.

మొత్తం రూ. 6,79,600/- జరిమానా కోర్టు ద్వారా విధించబడింది.

అలాగే, సెల్ ఫోన్ డ్రైవింగ్ కేసులలో (147) మంది నిందితులు హాజరయ్యారు. వీరిలో ప్రతి ఒక్కరికి రూ. 1,100/- చొప్పున జరిమానా విధించబడగా, మొత్తం రూ. 1,61,700/- జరిమానా విధించబడింది.

మైనర్ డ్రైవింగ్ కేసులలో కూడా (7) మంది నిందితులు హాజరై, ప్రతి ఒక్కరికి రూ. 2,100/- చొప్పున జరిమానా విధించబడింది. మొత్తం రూ. 14,700/- జరిమానాగా కోర్టు ద్వారా విధించబడింది.

ఈ చర్యలు ట్రాఫిక్ నియమాలను పాటించకపోవడం వల్ల సంభవించే ప్రమాదాలను తగ్గించడం మరియు ప్రజల్లో ట్రాఫిక్ భద్రతపై అవగాహన పెంపొందించడం లక్ష్యంగా చేపట్టబడ్డాయి.

ACP.Traffic. Central zone

---------------

హిందూస్తాన్ సమచార్ / నాగరాజ్ రావు