సిద్దిపేట, 21 డిసెంబర్ (హి.స.) సిద్దిపేట జిల్లా బెజ్జంకి మండల కేంద్రంలో పురుగుల మందు తాగి దంపతులు ఆత్మహత్య చేసుకున్నారు. స్థానికుల వివరాల ప్రకారం.. మండల పరిధిలోని దాచారం గ్రామానికి చెందిన వడ్లకొండ శ్రీ హర్ష, రుక్మిణీ దంపతులు బెజ్జంకిలో బట్టల దుకాణం నిర్వహిస్తున్నారు. ఈ క్రమంలో ఆదివారం ఉదయం భార్య భర్తలు పురుగుల మందు తాగి ఆత్మహత్యాయత్నం చేశారు. ఈ ఘటనలో భార్య అక్కడికక్కడే మృతి చెందగా, భర్త ఆసుపత్రిలో చికిత్స పొందుతూ మృతి చెందాడు. వీరికి మూడు సంవత్సరాల పాప హరిప్రియ ఉంది. పోలీసులు ఘటనా స్థలానికి చేరుకుని దర్యాప్తు చేస్తున్నారు.

---------------

హిందూస్తాన్ సమచార్ / విడియాల వెంకటేశ్వర్ రావు