శ్రీహరికోట, 12 జనవరి (హి.స.)భారత అంతరిక్ష పరిశోధనా సంస్థ (ఇస్రో) 2026 స్పేస్ క్యాలెండర్లో తొలి ప్రయోగం చేపట్టింది. ఈరోజు (జనవరి 12) చేపట్టిన PSLV-C62 రాకెట్లో “EOS-N1” ఉపగ్రహంతో పాటు స్వదేశీ, విదేశాలకు చెందిన 15 ఇతర ఉపగ్రహాలను ప్రయోగించింది. ఉదయం 10 గంటల 17 నిమిషాల 30 సెకన్లకు శ్రీహరికోట నుంచి “PSLV-C62” నిప్పులు కక్కుతూ నింగిలోకి దూసుకెళ్లింది.
అయితే, శ్రీహరికోట నుంచి ప్రయోగించిన PSLV-C62 రాకెట్ ప్రయోగం నాలుగో దశలో సాంకేతిక అవాంతరాలు చోటు చేసుకున్నాయి. రాకెట్ నాలుగో దశ ప్రారంభమైన వెంటనే శాటిలైట్తో సంబంధాలు తెగిపోవడంతో ప్రయోగానికి అంతరాయం ఏర్పడినట్లు ఇస్రో వెల్లడించింది. 18 నిమిషాల్లో పూర్తి కావాల్సిన ఈ ప్రయోగం, నిర్ణీత సమయంలో పూర్తి కాలేదు. ఈ నేపథ్యంలో ప్రయోగం పురోగతిని ఇస్రో చైర్మన్ నారాయణన్ మాట్లాడుతూ.. మూడో దశ సక్సెస్ ఫుల్ గా కంప్లీల్ అయింది. కానీ, నాలుగో దశలో ఏర్పడిన సాంకేతిక సమస్య ఏర్పడింది. సాంకేతిక లోపంపై డేటాను విశ్లేషిస్తున్నామని ఇస్రో చైర్మన్ వెల్లడించారు
---------------
హిందూస్తాన్ సమచార్ / నిత్తల రాజీవ
