వరంగల్, 16 జనవరి (హి.స.)

భూ భారతి కుంభకోణం కేసు లో కీలక పరిణామం చోటుచేసుకుంది. జనగామ, యాదాద్రి జిల్లాల్లో అక్రమ రిజిస్ట్రేషన్లు జరిగిన విషయం తెలిసిందే. తాజాగా ఈ కేసులో 15 మంది నిందితులను అరెస్ట్ చేసినట్లు వరంగల్ పోలీస్ కమిషనర్ సన్ ప్రీత్ సింగ్ స్పష్టం చేశారు. శుక్రవారం మీడియా ముందుకు వచ్చిన ఆయన మాట్లాడుతూ.. ఈ కేసులో మరో 9 మంది నిందితులు పరారీలో ఉన్నారని అన్నారు. బసవరాజు, జెల్లాను ప్రధాన నిందితులుగా గుర్తించినట్లు తెలిపారు. రూ.3.90 కోట్ల ప్రభుత్వ ఆదాయానికి వీరు గండికొట్టినట్లు చెప్పారు. భూ భారతి వెబ్సైట్ సాంకేతిక లోపాలను ఆధారంగా చేసుకుని అక్రమాలకు పాల్పడినట్లు తెలిపారు.

---------------

హిందూస్తాన్ సమచార్ / సంపత్ రావు, జర్నలిస్ట్..