పల్నాడు, 22 జనవరి (హి.స.)

ఆంధ్రప్రదేశ్ రాష్ట్ర డిప్యూటీ ముఖ్యమంత్రి పవన్ కళ్యాణ్ పల్నాడు జిల్లా పర్యటన ఖరారైంది. ఇవాళ పల్నాడు జిల్లాలోని కోటప్పకొండకు పవన్ కళ్యాణ్ వెళ్ళనున్నారు. ఈ మేరకు స్పెషల్ హెలికాప్టర్ లో డిప్యూటీ ముఖ్యమంత్రి పవన్ కళ్యాణ్ కోటప్పకొండకు చేరుకుంటారు. ఇవాళ ఉదయం 10:30 గంటల ప్రాంతంలో పవన్ కళ్యాణ్ పల్నాడు జిల్లా పర్యటన ఉండనుంది. ఈ సందర్భంగా కోటప్పకొండకు చెందిన త్రి కోటేశ్వర స్వామిని దర్శించుకుంటారు.

ఈ పర్యటన సందర్భంగా కొన్ని పర్యాటక ప్రాంతాల్లో కూడా పవన్ కళ్యాణ్ సంద‌ర్శిస్తారు. అనంతరం కోటప్పకొండ - కొత్తపాలెం మధ్య నిర్మించిన 3.9 కోట్ల రోడ్డును ప్రారంభించనున్నారు. ఆ తర్వాత మహాశివరాత్రి ఉత్సవాలపై పవన్ కళ్యాణ్ స్పెషల్ గా రివ్యూ నిర్వహిస్తారు. ఈ సందర్భంగా ఉత్సవాలపై ఎలాంటి ఏర్పాట్లు చేయాలి.. భద్రత ఏర్పాట్లు ఎలా ఉండాలి అనే దాని పైన చర్చించనున్నారు. ఈ మేరకు డిప్యూటీ ముఖ్యమంత్రి పవన్ కళ్యాణ్ షెడ్యూల్ ఖరారైంది.

---------------

హిందూస్తాన్ సమచార్ / SANDHYA PRASADA PV