న్యూఢిల్లీ, 13 నవంబర్ (హి.స.)

ఆగ్నేయాసియా

దేశాల కూటమి 'ఆసియాన్' (ASEAN)తో భారతదేశ వ్యూహాత్మక భాగస్వామ్యాన్ని

మరింత ఉన్నత స్థాయికి తీసుకెళ్లే దిశగా ప్రధానమంత్రి నరేంద్ర మోదీ కీలక అడుగులు

వేస్తున్నారు.ప్రధాని మోదీ రాబోయే

ఆసియాన్ పర్యటన మరియు సదస్సు చర్చలలో ప్రధానంగాసముద్ర భద్రత (Maritime Security), రక్షణ రంగ సహకారం

మరియు స్వేచ్ఛాయుత ఇండో-పసిఫిక్ ప్రాంతంఅంశాలే

కీలక అజెండాగా ఉండనున్నాయి.

భారతదేశం

అనుసరిస్తున్న 'యాక్ట్ ఈస్ట్' (Act East) విధానంలో ఆసియాన్ దేశాలు కేంద్ర

బిందువుగా ఉన్నాయి.ప్రస్తుతం

ఇండో-పసిఫిక్ ప్రాంతంలో మారుతున్న భౌగోళిక రాజకీయ పరిస్థితులు, సముద్ర మార్గాల భద్రతపై పెరుగుతున్న

సవాళ్ల నేపథ్యంలో ప్రధాని మోదీ ఈ పర్యటనకు అత్యంత ప్రాధాన్యత ఏర్పడింది.అంతర్జాతీయ సముద్ర నిబంధనలకు అనుగుణంగా

స్వేచ్ఛాయుత నౌకాయానం (Freedom of

Navigation), సముద్ర

వాణిజ్య మార్గాల రక్షణ విషయంలో ఆసియాన్ దేశాలతో కలిసి పనిచేయాలని భారత్

భావిస్తోంది.

ఈ

పర్యటనలో భాగంగా ఆసియాన్ దేశాల అధినేతలతో ప్రధాని మోదీ ద్వైపాక్షిక చర్చలు

జరపనున్నారు.ఈ భేటీలలో రక్షణ

పరికరాల ఎగుమతులు, ఉమ్మడి నావికాదళ

విన్యాసాలు, తీరప్రాంత నిఘా

వ్యవస్థల బలోపేతం, సైబర్ సెక్యూరిటీ

మరియు ఉగ్రవాద నిరోధక చర్యలపై ప్రత్యేక దృష్టి సారించనున్నారు.రక్షణ, భద్రత

రంగాలతో పాటు ఆసియాన్ దేశాలతో వాణిజ్య ఒప్పందాల సమీక్ష, డిజిటల్ పబ్లిక్ ఇన్‌ఫ్రాస్ట్రక్చర్, కనెక్టివిటీ మరియు పునరుత్పాదక ఇంధన

రంగాలలో సహకారాన్ని విస్తరించడంపై కూడా ప్రధాని చర్చించనున్నారు.ఇండో-పసిఫిక్ ప్రాంతంలో శాంతి, స్థిరత్వం మరియు సమగ్ర అభివృద్ధికి

భారతదేశం కట్టుబడి ఉందనే స్పష్టమైన సందేశాన్ని ఈ సదస్సు ద్వారా ప్రధాని మోదీ

ప్రపంచానికి ఇవ్వనున్నారు.

---------------

హిందూస్తాన్ సమచార్ / Santhosha Laxmi