
అనంతపురం, 17 నవంబర్ (హి.స.)
రాప్తాడు సంచలన కేసులో ప్రధాన నిందితుడైన హేమంత్ ఆరోగ్య పరిస్థితి పూర్తిగా మెరుగుపడింది. గత కొద్ది రోజులుగా ఆస్పత్రిలో వైద్యుల పర్యవేక్షణలో చికిత్స పొందుతున్న అతను ఇప్పుడు పూర్తిగా కోలుకున్నాడని వైద్య బృందం అధికారికంగా ధృవీకరించింది.
అన్ని రకాల వైద్య పరీక్షలు నిర్వహించిన అనంతరం, హేమంత్ ఆరోగ్యం నిలకడగా ఉందని నిర్ధారించుకున్న వైద్యులు బుధవారం అతడిని ఆస్పత్రి నుంచి డిశ్చార్జ్ చేయనున్నారు. ఈ నేపథ్యంలో ఆస్పత్రి వద్ద పోలీసులు కట్టుదిట్టమైన భద్రతా ఏర్పాట్లు చేశారు. బుధవారం డిశ్చార్జ్ ప్రక్రియ పూర్తయిన వెంటనే పోలీసులు అతడిని తమ అదుపులోకి తీసుకుని తదుపరి విచారణ నిమిత్తం కోర్టులో హాజరుపరిచే అవకాశం ఉంది.
---------------
హిందూస్తాన్ సమచార్ / Santhosha Laxmi