
అమరావతి , 20 నవంబర్ (హి.స.)
ఆంధ్రప్రదేశ్లో పలు జిల్లాల పరిషత్ ఛైర్మన్లు, వైస్ ఛైర్మన్ల ఎన్నికల ప్రక్రియ పూర్తయింది. నూతనంగా ఎన్నికైన ప్రజాప్రతినిధులు ఆయా జిల్లాల్లో ప్రమాణ స్వీకారం చేశారు. నంద్యాల జిల్లా పరిషత్ ఛైర్మన్గా బృహనుద్దిన్, వైస్ ఛైర్మన్గా శ్రీకాంత్రెడ్డి బాధ్యతలు స్వీకరించారు. గుంటూరు జిల్లా పరిషత్ ఛైర్మన్గా ధార అరుణ, వైస్ ఛైర్మన్గా అశోక్కుమార్గౌడ్ ప్రమాణం చేశారు.
శ్రీసత్యసాయి జిల్లా పరిషత్ ఛైర్మన్గా పరిటాల శ్రీరామ్, వైస్ ఛైర్పర్సన్గా సునేత్ర ప్రమాణ స్వీకారం చేశారు. కర్నూలు జిల్లా పరిషత్ ఛైర్మన్గా ఉలిగయ్య, వైస్ ఛైర్మన్గా షేక్ సాధికా ఏకగ్రీవంగా ఎన్నికయ్యారు. అనంతరం కలెక్టర్ వారి చేత ప్రమాణ స్వీకారం చేయించారు.
ఎన్టీఆర్ జిల్లా పరిషత్ ఛైర్పర్సన్గా కోట పుల్లమ్మ, వైస్ ఛైర్మన్గా బాల కోటేశ్వరరావు ఏకగ్రీవంగా ఎన్నికయ్యారు. విశాఖ జిల్లా పరిషత్ ఛైర్మన్గా అలివేణి, వైస్ ఛైర్మన్గా సుఖవాసి ఎన్నికయ్యారు. వీరితో కలెక్టర్ అజయ్ ప్రమాణం చేయించారు. దీంతో ఆయా జిల్లాల్లో కొత్తగా ఎన్నికైన జడ్పీ పాలకవర్గాలు అధికారికంగా బాధ్యతలు చేపట్టాయి. જિલ્લા పరిషత్ల ద్వారా స్థానిక అభివృద్ధి కార్యక్రమాలు, ప్రజా సమస్యల పరిష్కారంపై నూతన పాలకవర్గాలు దృష్టి సారించనున్నాయి.
---------------
హిందూస్తాన్ సమచార్ / పుట్టా సుమన్