అమరావతి, 15 మే (హి.స.)

ఆంధ్రప్రదేశ్ ప్రధాన కార్యదర్శి జి.సాయి ప్రసాద్ పదవీకాలం మరో ఆరు నెలలు పొడిగించేందుకు కేంద్రం అంగీకరించింది. జూన్ 1 నుంచి నవంబర్ 30 వరకు ఆయన సీఎస్గా కొనసాగనున్నారు. రాష్ట్ర ప్రభుత్వం చేసిన విజ్ఞప్తికి కేంద్రం గ్రీన్ సిగ్నల్ ఇచ్చింది. ఈ మేరకు కేంద్ర సాధారణ పరిపాలన శాఖ(డీఓపీటీ) అధికారిక ఉత్తర్వులు జారీ చేసింది. AIS రూల్ 16(1)(DCRB) 1958 ప్రకారం కేంద్రం ఈ నిర్ణయం తీసుకుంది. ఈ మేరకు డీఓపీటీ అండర్ సెక్రటరీ రాజేశ్ కుమార్ యాదవ్ లేఖలో స్పష్టం చేశారు.

ఈ నెలాఖరులోనే(మే నెల) సాయి ప్రసాద్ పదవీ విరమణ చేయాల్సి ఉండగా.. ఆయన పదవీకాలం పొడిగింపుకు కేంద్రం అనుమతిచ్చింది. దీంతో నవంబర్ 30, 2026 వరకు సాయి ప్రసాద్.. ఏపీ సీఎస్గా కొనసాగనున్నారు. రాష్ట్ర ప్రభుత్వ సాధారణ పరిపాలన శాఖకు కేంద్రం ఈ అధికారిక సమాచారాన్ని అందించింది.

---------------

హిందూస్తాన్ సమచార్ / నిత్తల రాజీవ