ముంబై, 02 ఆగస్టు (హి.స.)పెళ్లిళ్ల సీజన్, శుభకార్యాలు ఏవైనా సరే.. భారతీయ ఇళ్లల్లో పసిడి మెరుపులు ఉండాల్సిందే. బంగారం అనేది మహిళల సెంటిమెంట్తో పాటు ఆపత్కాలంలో ఆదుకునే నిజమైన ఆస్తి. అయితే కొన్ని రోజులుగా క్రమంగా పెరుగుతూ సామాన్యులకు భారంలా మారిన పసిడి ధరలు ఈరోజు కాస్త నిలకడగా మారాయి. నేడు తెలుగు రాష్ట్రాల్లో బంగారం ధరలు ఎలా ఉన్నాయో తెలుసుకుందాం.

భారతీయ సంస్కృతిలో పసిడిది ప్రత్యేక స్థానం. మహిళలు బంగారాన్ని కేవలం ఒక అలంకార వస్తువుగానే కాకుండా సెంటిమెంట్గా, కుటుంబ సౌభాగ్యానికి ప్రతీకగా, ఆపత్కాలంలో ఆదుకునే సురక్షితమైన పెట్టుబడిగా భావిస్తారు. వివాహాలు, పండుగలు లేదా శుభకార్యాలు ఏదైనా సరే పసిడి కొంటుంటారు. అయితే గత ఏడాది కాలంగా బంగారం ధరలు అంతకంతకూ పెరుగుతూ సామాన్యులకు భారంగా మారుతున్నాయి. ఈ క్రమంలో తెలుగు రాష్ట్రాలో ఆదివారం బంగారం ధరలు స్థిరంగా ఉన్నాయి. ఆభరణాల తయారీకి ఎక్కువగా ఉపయోగించే 22 క్యారెట్ల 10 గ్రాముల బంగారం ధర రూ.1,32,200గా ఉంది. అలాగే 99.9శాతం స్వచ్ఛత కలిగిన 24 క్యారెట్ల 10గ్రాముల పసిడి ధర రూ.1,44,220గా ఉంది. 18 క్యారెట్ల బంగారం ధర విషయానికొస్తే.. 10 గ్రాముల ధర రూ.1,08,160 వద్ద కొనసాగుతుంది.

తెలుగు రాష్ట్రాల్లో వెండి రేట్లు

మరోవైపు వెండి ధరల విషయానికి వస్తే, హైదరాబాద్ మార్కెట్లో ఈరోజు వెండి ధరలు పెద్దగా మార్పు లేకుండా స్థిరంగా ఉన్నాయి. భాగ్యనగరంలో ప్రస్తుతం 10 గ్రాముల వెండి ధర రూ.2,349 కాగా కేజీ వెండి ధర రూ.2,34,900గా ఉంది. పూజా సామాగ్రి, వెండి ఆభరణాలు, పటాలు కొనుగోలు చేసేవారికి ఈ స్థిరత్వం ఊరటనిచ్చే అంశం.

ప్రముఖ నగరాల్లో ఇలా

ఇక దేశరాజధాని ఢిల్లీలో 24 క్యారెట్ల 10గ్రాముల బంగారం ధర రూ.1,44,370గా ఉంది. ఇక 22 క్యారెట్ల గోల్డ్ ధర రూ.1,32,250గా ఉంది. చెన్నైలో 24 క్యారెట్ల 10 గ్రాముల బంగారం ధర రూ.1,44,610గా ఉండగా, 22 క్యారెట్ల తులం గోల్డ్ ధర రూ.1,32,560గా ఉంది. ఇక బెంగళూరులో 24 క్యారెట్ల 10గ్రాముల బంగా ధర రూ.1,44,220 వద్ద కొనసాగుతుండగా, 22 క్యారెట్ల గోల్డ్ ధర రూ.1,32,200గా ఉంది.

హిందూస్తాన్ సమచార్ / SANDHYA PRASADA PV