న్యూఢిల్లీ, 22 ఆగస్టు (హి.స.)

భారతీయ జనతా పార్టీ (BJP) నూతన జాతీయ అధ్యక్షుడిగా బాధ్యతలు చేపట్టిన నితిన్ నబీన్ (Nitin Nabeen), పార్టీకి కొత్తగా నియమితులైన జాతీయ ఆఫీస్ బేరర్లతో శనివారం తొలి పరిచయ సమావేశాన్ని నిర్వహించారు. దేశ రాజధాని ఢిల్లీలోని పార్టీ కేంద్ర కార్యాలయంలో జరిగిన ఈ కీలక సమావేశంలో జాతీయ ప్రధాన కార్యదర్శులు, ఉపాధ్యక్షులు, కార్యదర్శులు, వివిధ మోర్చాల అధ్యక్షులు పాల్గొన్నారు. ఈ భేటీలో ప్రధానంగా రాబోయే వివిధ రాష్ట్రాల అసెంబ్లీ ఎన్నికల సన్నద్ధత, ఎన్నికల కార్యాచరణ వ్యూహాలు, క్షేత్రస్థాయిలో పార్టీ యంత్రాంగ సమీకరణ, కేంద్ర ప్రభుత్వ సంక్షేమ, అభివృద్ధి పథకాలను ప్రజల్లోకి విస్తృతంగా తీసుకెళ్లడం వంటి అంశాలపై సుదీర్ఘంగా చర్చించారు. అదేవిధంగా ప్రధానమంత్రి నరేంద్ర మోడీ ప్రజా జీవితంలో 25 ఏళ్లు పూర్తి చేసుకుంటున్న సందర్భంగా దేశవ్యాప్తంగా నిర్వహించాల్సిన ప్రత్యేక కార్యక్రమాలపై కూడా కార్యాచరణను సమీక్షించారు. శనివారం రోజంతా వరుసగా జరిగే సమావేశాల క్రమంలో బీజేపీ పాలిత రాష్ట్రాల ముఖ్యమంత్రులు, రాష్ట్ర అధ్యక్షులు, వివిధ రాష్ట్రాల పార్టీ ఇన్ఛార్జులతో సైతం అధ్యక్షుడు ప్రత్యేకంగా భేటీ కానున్నారు.

---------------

హిందూస్తాన్ సమచార్ / సంపత్ రావు, జర్నలిస్ట్..