ఆంధ్రప్రదేశ్,15 సెప్టెంబర్ (హి.స.)తిరుమల కల్యాణ వేదిక సమీపంలో ఒకటిన్నర ఎకరాల సువిశాల ప్రాంగణంలో 18 రకాల అరుదైన పుష్పాలు ఏకంగా 72,000ల పూల సమాహారంతో నాలుగు యుగాల చరిత్రను టీటీడీ ఆవిష్కరించింది. మొత్తం 14 విభిన్న ఆధ్యాత్మిక థీమ్స్తో రూపొందించిన ఈ ప్రదర్శనలో శ్రీ వేంకటేశ్వరుని కలియుగావతార సైకత శిల్పం ప్రధాన ఆకర్షణగా నిలుస్తోంది.దాదాపు ఒకటిన్నర ఎకరాల విస్తీర్ణంలో ఏర్పాటు చేసిన ఫ్లవర్ షో ఆధ్యాత్మిక శోభతో వెలిగిపోతోంది. సత్య, త్రేత, ద్వాపర, కలియుగాల వైభవాన్ని కళ్లకు కట్టేలా సిద్ధం చేసిన ఈ ప్రదర్శనను తిలకించేందుకు భక్తులు భారీగా తరలివస్తున్నారు.

---------------

హిందూస్తాన్ సమచార్ / పుట్టా సుమన్