ఢిల్లీ , 22 సెప్టెంబర్ (హి.స.)ఒడిశా 17వ శాసనసభ ఏడో (వర్షాకాల) సమావేశాలు నేడు ప్రారంభమయ్యాయి. అక్టోబర్ 3 వరకు కొనసాగనున్న ఈ సమావేశాల్లో మొత్తం 9 పనిదినాలు ఉంటాయి. ఈ స్వల్పకాలిక సెషన్లో ప్రభుత్వం దాదాపు ఆరు ముఖ్యమైన బిల్లులను సభ ముందుకు తీసుకురానుంది.

ఈ సమావేశాల్లో ముఖ్యమంత్రి మోహన్ చరణ్ మాఝీ నేతృత్వంలోని భాజపా ప్రభుత్వాన్ని నిలదీసేందుకు బిజూ జనతా దళ్ (BJD), కాంగ్రెస్ వంటి ప్రధాన ప్రతిపక్షాలు సిద్ధమయ్యాయి. ముఖ్యంగా గనుల సవరణ చట్టం (MMDR Act), పాఠ్యపుస్తకాల ముద్రణలో దొర్లిన పొరపాట్లు, పాఠశాల విద్యాశాఖ తీరు మరియు ఇతర ప్రజా సమస్యలను లేవనెత్తేందుకు విపక్షాలు వ్యూహాలు రచించాయి.

సభను ప్రశాంత వాతావరణంలో నిర్వహించేందుకు వీలుగా స్పీకర్ సురమా పాఢీ నేతృత్వంలో నిర్వహించిన ఆల్ పార్టీ మీటింగ్లో అధికార, ప్రతిపక్షాలకు చెందిన సీనియర్ నేతలు హాజరయ్యారు.

---------------

హిందూస్తాన్ సమచార్ / పుట్టా సుమన్